عدد المساهمات : 628السٌّمعَة : 15نسبه النشاط في النتدي : 6930العمر : 33تاريخ التسجيل : 26/04/2010تاريخ الميلاد : 01/12/1990تعاليق : اذا جرحك شخص فهو لا يستحق عتابك فاتركه واذهب الموقع : https://ta7ees.yoo7.comالبلد : tanta العمل/الترفيه : كليه حقوق الوسام الذهبي : . وسام العطاء : . وسام النشاط : . وسام الأشراف : بطاقة الشخصية صوره: 1
موضوع: انــــــــــــــــــا مش بحبــــــــــــــــــــــــــــك الإثنين أغسطس 30, 2010 3:29 pm
أنا مش بحبك.. ولا دُبت فيك. ولا قلبي عاشقك.. وحيموت عليك. ولا نفسي دايما تكون معايا.. ولا نفسي أشوفك.. وأبص ف عنيك. ولا نفسي أضمك لحضني تَـمَلَّي.. ولا نفسي أخلِّي.. إديا ف إديك. ولا انت ف بالي.. وساكن خيالي.. ولا مالك عقلي.. ودايما ناسيك. ولا بتلهمني بأحلى قصايدي.. ولا نفسي أهدي ديواني إليك. ولا كل ليله بشوفك ف حلمي.. ولا حلمي إني أعيش بس ليك. ولا حتى سحرك مشقلب كياني.. ولا البدر دايما مفكرني بيك. *** ولو يوم يعدي وماشفتكش.. مابيهمنيش. ولا ازعل واعيط.. ولا احس إني مابقدرش اعيش. ولا احس إن الـحياه ماتساويش. ولا احس إن القصايد ف غيرك كلام خنتريش. ولو حد قالك عليا "بكدب".. قوله "بتكدب" وماتصدقش. وإنشالله يارب لو كنت بكدب.. إلهي وجاهي ألاقيك جنبي.. شريكي ف حياتي وماتبعدش. ودي حاجه طبْعا مابتمنهاش.. ولو تعرضيها عليا بنفسك.. حقولك بلاش.. فإوعي تحاول ومتفكرش. وخليك عارف.. وماتأخذنيش.. وجودك مش بيفرق معايا.. ولا بُعدي عنك بداية النهايه.. وحُسنك مش حكاية وآيه.. ولا نفسي قلبك يـجاوب ندايا.. شعوري تجاهك حبيبي مفيش. وكلمة "حبيبي" دي زلة لسان.. وملهاش علاقه بـحاجه ف قلبي مـخبيها عنك بقالي زمان.. ماتتلككش. سبيني ف حالي.. أفكر ليالي.. واشوف ليه عيونك مابيشدونيش !!!
__________________ قال عنتره : ولقد ذكرتك والرماح نواهل مني وبريق الهند يقطر من دمي فوددت تقبيل السيوف لانها ذكرتني بثغر فمك المتبسم فقالت عبله : يوووووووووة ما تبوس يا عنتر وانتا ساكت