منتديات تهيس

منتديات تهيس

عتدما تري هذا الجمال لاتغلق عينك
 
الرئيسيةتحميل صور2010اليوميةمكتبة الصورس .و .جبحـثالأعضاءالمجموعاتالتسجيلشات الحبدخول

شاطر | 
 

 السباحه عكس التيار

اذهب الى الأسفل 
كاتب الموضوعرسالة
راقي المشاعر
عضو مميزه
عضو مميزه
avatar

الابراج : الثور
الجنس : ذكر

عدد المساهمات : 82
السٌّمعَة : 1
نسبه النشاط في النتدي : 2515
العمر : 25
تاريخ التسجيل : 03/05/2012
تاريخ الميلاد : 08/05/1993
تعاليق : تعلمت ان العطا لوزاد عن حده خطا
تعلمت ان الجميل مايملا كفوف البخيل
تعلمت ان العيون اذاعشقت تصير ستروغطا
وان أصدق دروب المحبه ماتبغى دليل

البلد : السودان
العمل/الترفيه العمل/الترفيه : فندقه وسياحه

بطاقة الشخصية
صوره: 1

مُساهمةموضوع: السباحه عكس التيار   الجمعة سبتمبر 28, 2012 8:43 am

عكس التيار...

إنو تعوم عكس التيار انت براك البدري إخترت
ليه ياقلبي تنوح تتبكي وتندب حظك ليل ونهار
لمن قمت ورحت البندر كنت تظن الحال اتصلح
كنت بتحلم بي مستقبل فيه ابواب الخير تتفتح
إلا لقيت الواقع أمر وزينا ناس تعبانة وتكدح
وناسا عايشي معيشتا راقيي بي تلفونها بتخسر وتربح
وناسا عايشي علي الماهية من يوم خمسة الجيب إتقمح
وناسا عايشي علي خلق الله يمن شحدي ويمن تلفح
غايتو الحالة معادلة صعبة كأنوا الناس عايشين في مسرح
وانت براك البدري إخترت

***

عندي سؤال بالجد حيرني ونشف ريقي وراه نشاف
ليل ونهار شاغل تفكيري لما بقيت انا منو أخاف

حال الزول القالو موظف وراتبو الشهري شوية آلاف
لو عديت مصروفو الشهري أكيد تلقاه أضعاف أضعاف
حلو معاي المسألة دية وساعدو معاي العم الزين
زول محمول وعندو اطفال شان ماياكلو يجيب من وين
يســرق .. ينهــب .. يشـــحد
والله كمان يغرق في الدين
عندو محمد واحمد وسارة وخمسة اطفال فوقن تومين
لازم يقروا وياكلوا كويس لازما يلبسوا لبسا زين
قولوا معاي يسوي شنو شان مايعيش هو يجيب وين

عم الزين يعلمبوا الباري ديمة عليهو الجوف محروق
كان في الماضي ركازة الحلة وياهو البربط للمطلوق
هسع وين ياحليلو التايه ودر واصبح جنو كلام
يصرف عربي مبالغ فيه وناس الحي سمو النضام
مرات يضحك لامن تشفق ومرات يبكي بكا الايتام
عنده عبارة تملي يقولا أوعك تحسبا بالارقام
تتعب نفسك بي تضريبا واخر حاجة تجيك أوهام

انت براك البدري اخترت

بعد الشفتو براك ياقلبي أخيرلك ترجع منك وليك
خلي وظيفة المكتب طايري لا لا قسم مالايقي عليك
عود من تاني وازرع أرض مابتخضر إلا بيديك
عــــزة نفسك
فـــــــــــــي
واطــــــاتـــك
جـــم نخـــلاتك
وبين والديـــــك....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
السباحه عكس التيار
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات تهيس :: منتدي الحب والرومانسيه والشعر والخواطر :: الادب و الشعر,شعر حب,شعر عزل,شعر رومنسى-
انتقل الى: