اكتشف...انت شاب جامد اوي في ايه....وانتي بنت جا

الواد ده جامد جدا

كلمة بتتقال

والبنت دي جامدة جداً

كلمة برضة بتتقال

بس انت جامد في ايه عشان نقول انت فعلا جامد وانتي نفس الكلام

هل انت جامد في البلاي ستيشن هل انت جامد في لعبة فيفا ولا جامد في معرفة كل الممثلين والمطربين والمطربات
يعني مافيش اسم يعدي عليك جديد او قديم الا وتكون عارفه وعارف اخباره كمان

ولا انت جامد في اخبار الرياضة عارف الحالة الصحية لابو تريكه واخبار عصام الحضري في سيون ولا عمرو زكي في ويجان ولا اخبار وائل جمعة ولا حسن مصطفى ولا جمال حمزة ولا شيكابالا واخباره مع الزمالك والمشاكل ولا المشاكل الحديثة بتاعة ابراهيم سعيد مع الاسماعيلي

طيب ولا انت جامد في اخبار العالم والاخبار المحلية وتعرف كل حاجة بوش راح فين وساركوزي بيعمل ايه و و و....الخ

ولا انت جامد في الشتايم تعرف كل شتيمة وبتقول على نفسك قليل الادب وصايع ومن وجهة نظرك كده انت جامد

ولا انت جامد في الاباحية وعندك افلام وصور قد كدة كتير جدا وتعرف مواقع بالعبيط وبتتباهى انك تعرف مواقع اصحابك اللي بيدخلوا على النت مايعرفوهاش وانت نمرة واحد فيهم

ولا انت جامد الوحيد اللي بتعلق البنات واكتر واحد في اصحابك اللي برضة بيفكروا نفس تفكيرك انت اكتر واحد فيهم وسيم وبتلعب حديد وجسمك مشدود بقى ومجانس وترابيس وعضلات واوعى وشك يعني حاجة اخر حاجة

ولا انت جامد اللي بتشرب سجاير اكتر من اصحابك وتتباهى بكده وبتقول انا بشرب بالعلبتين والثلاثة
وانا اكتر واحد فيكم باخد نفس لما بشرب شيشة
وبطلع دخان من وداني كمان

****************كل الحاجات اللي فاتت*********** ****
في منها الغلط والتافة واللي بيضيع وقت والحرام والصح -
مثلا
الغلط والحرام بيشتركوا مع بعض -
انك تدخل على مواقع ايباحية ده حرام لانك مش بتغض بصرك كذلك نفس الفكرة لو بصيت على بنات او عاكست بنات او تحرشت ببنات
كذلك لو شربت سجاير او شيشة ده حرام لانك بتقتل نفسك
وربنا قال : ولا تقتلوا انفسكم
ودوول مووت بالبطيئ
كذلك من الحاجات الحرام الشتايم و و و الخ لانك بكده بتقول للعالم انا مش بطبق ديني عشان رسولنا اسوتنا عمره ما سب ولا شتم ولا كان غليظ
بالعكس كان رحيم , الين خلق الله في معاملته , قوي وكان صاحب اجمل لسان لا يسب ولا يلعن ولا يشدد على احد
فهذا رسول الله وماذا تريد انت ان تكون مثله وتدخل الجنة ام تعارض اخلاقه وتكون في الهاوية وربنا يستر عليك ساعتها

اما بقى الصح والمفيد في كتير امثلة زي اللي قولناها واللي مقولناهاش-

انك تلعب حديد وتهتم بصحتك--
انك تعيش وتبقى فاهم الدنيا ماشية ازاي واخبار الدنيا حواليك ايه --
انك تكون تعرف دينك كويس قاري كتير وعارف كتير وفاهم الاساسيات اللي بيها تعيش سعيد في الدنيا

اما بقى التافه والغير مفيد في الكلام اللي قولناه-
انك تقول انا اعرف كل الممثلين والمطربين
والمطربات والممثلات
وانك تكون عارف اخبار الكرة وانت اصلا مش بتلعب اي رياضة
وانت اصلا بكده بتضيع وقت كبير جدا وكتير في تفاهات ملهاش لزمة
ومش حتفيدك بل بالعكس حتدخل قلبك الحسد
الممثل ده بياخد ملايين واللعيب ده بياخد كتير كتير كتير من الفلوس
وانت لسه مشتغلتش او المرتب بتاعك على قدك

بالله عليك حتتعب نفسيا ولا لأ
******************** *****

اما بقى البناااااااااااااااا ااات

انتي جامدة اوي في ايه

انتي جامدة اكتر واحدة تعرفي في الموضة وعندك مجالات كتيرة واكتر واحدة بتفهمي الحجات دي

انتي اجمد واحدة اللي بتلبس لبس جامد جدا سواء كنتي محجبة او غير محجبة المهم لبسك يكون جامد جدا حتى لو كانت ملفت للنظر وكان كله اكسسورات وتفاصيل

انتي جامدة في ايه انتي الوحيدة في شلة البنات اصحابك اللي كل الولاد لما يشوفوها يتهبلوا عليها من جمالها وانتي اجمد واحدة برضة بتتباهي بجمالك ويا اصحابك

انتي اجمد واحدة بتقول لصاحبتها انا اعرف فلان وفلان وفلان وبمشي مع فلان وكمان فلان وفلان

واللي انتي اكتر واحدة بتكلمي صاحباتك عن مغمراتك العاطفية اللي ممكن تكون بريئة ولا مش بريئة

واللي انتي اغنى واحدة في اصحابك وكل يوم تيجي بلبس شكل وتتمنظري قصاد صاحباتك باللبس واللي هما اقل منك ماديا وفيكي الطبع ده

انتي شايفة نفسك جامدة لما تقولي انا بحب المطرب فلان الفلاني المعروف ده الشاب اللي عنده كان وعشرين سنة ووسيم وصوته كذا وكذا

انتي شايفة نفسك جامدة جدا لما تلاقي شاب يعاكسك او بيسمعك كلام بيحسسك انك جميلة وزي القمر وتنبسطي اكتر لما الشباب يقولوا عليكي انتي صاروخ ويخربيت جمالك

ولا انتي جامدة انك مش بتفوتي ولا مسلسل ولا فيلم ولا فيديو كليب

****************

انت جامد لما تكون بجد بتفيد نفسك وبتفيد غيرك
زي ماقال رسول الله
"خير الناس انفعهم للناس"
او كما قال رسول الله

انت جامد لما بتكون بتطيع ربنا وبتطيع سيدنا رسول الله

قال تعالى
ومن يطع الله ورسوله فقد فاز فوزا عظيما

ومن يطع الله ورسوله يدخله جنات تجري من تحتها الانهار خالدين فيها وذلك الفوز العظيم ومن يعصِ الله ويتعدى حدوده ويتعد حدوده يدخله نارا خالدا فيها وله عذاب مبين

----------------------
انت جامد لما تكون ناجح في شغلك ودراستك
لما تكون بتحب بلدك وتدفع عنها
لما تكون راجل بجد فيك اخلاق رجل الرجال سيدنا محمد صلى الله عليه وسلم
لما تكون فعلا خلوق بتحب كل الناس وبتحبلهم الخير وبنفع غيرك وخيرك ليك ولغيرك ولبلدك ولنصر دينك عشان يقولوا فعلا دين الاسلام بيقوي
لما بتكون مش بتضيع وقتك على الفاضي وكل حياتك ليها قيمة وقيمة غالية كمان
مش حتحس بأي ملل طول ما انت بتعمل حاجة مفيدة وياه لو انت عارف ان كل ده ثوابه كبير من عند ربنا لما تحتسب كل اعمالك الحلوة عند ربنا

لما تكون مش بتعاكس اي بنت وكل البنات اخواتك وبتغض بصرك
ياه

لما تكون بتشرب سجاير وشيشة وتبطلها عشان ربنا يرضا عنك وعشان الناس يقلدوك وتاخد ثوابهم وعشان صحتك وعشان بلدك وتكون قوي لان المدخن بيهدم القوة اللي ممكن تكون عنده اثناء فترة الشباب وفترة الشيخوخة بدل مايبقى قوي وقادر يعمل حجات كتيرة يبقى عامل زي الميت ويتشال وتلاقيك مش قادر حتى تدخل الحمام لوحدك فكر كده واعمل حساب اليوم ده

لكن لما بعدنا عن الدين تعبنا وكلمة شعر كده بتقول

واهي ايام عايشنها وادينا ليه ناسيين
ان الدنيا دي فيها قانون اسمه الدين
لما بعدنا عنه تعبنا ايام وسنين

--------------------------------------
والبنت تبقى جامده

لما تكون محافظة على نفسها وعلى حجابها
لما تكون لابسه الحجاب عشان خاطر ربنا مش عشان خاطر حد
لما تكون عارفة شروط الحجاب الصحيحة
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

لما تكون مهتمة بالحاجات اللي تفيدها بس
تتعلم ازاي تكون طباخة هايلة
تتعلم ازاي تعامل ربنا وتقرأ لعلماء في اوقات تنظمها عشان يبقى كل وقتها مفيد
وهي برة البيت وبتتفسح مع اهلها او اصحابها حتى تراعي ان في شباب ممكن يفصصوا جسمها نظرات وممكن لقدر الله يتحرشوا بيها عشان مجرد انها لابسه لبس جامد في نظرها وهي في الحقيقة متبرجة وبتعصي ربنا بلبسها ده

لما تكون عارفه حقوق ربنا وحقوق الزوج وتتثقف دينيا عشان هي حتكون أم في يوم من الأيام وحتربي اجيال فلازم تربيهم صح

لما تكون بتتفرج على كل مفيد وكل حلال مش تتفرج على افلام دلوقتي كلها او معظمها حابط مناظر والفاظ و و حجات كتير بتسئ وتهدم اكتر ما بتعالج وكذلك المسلسلات والفيديو كليب ده مصيبته مصيبه كبيرة جدا في اباحية وووو بيعلم الشباب ازاي يعاكس البنت ويتحرش بيها وازاي يعمل علاقات حب حرام

لان الحب مش حرام في حالة لو كانت حبيبتك مراتك وفي حالة ان حبيبك ده جوزك
غير كده بالتعبير باللسان واللمس وووو بحكم انه خطيبك ماينفعش وحرام لانه لسه غريب عنك وانتم لسه بتتعرفوا وممكن في اي لحظة يفسخ الخطوبة يبقى حتتدمري نفسيا و عاطفيا وممكن تتعقدي

طبعا لما تكون بطيع ربنا ورسوله ونفس الكلام اللي اتقال للولاد

وربنا يتقبل منا

عايزين ننشر الموضوع ياجماعة لو كان موضوع مفيد

وجزاكم الله خيرا