انسان يحكى حلمه ويقوله انه حلم انه عرف مكانه فى الجنه...

[size=24] انسان يحكى حلمه ويقول ...
--------------------------------------------------------------------------------

بسم الله الرحمن الرحيم

السلام عليكم
يا جماعه مش هتسدقوا النهاره.... لسه من 3 أو 4 ساعات حلمت حلم اتقالي فيه مكاني في الجنه

الحلم: حلمت انه فيه زي آله , زي الريكوردر الصغير اتبعتتلي من عند ربنا سبحانه و تعالى , الآله دي بتسألها أسئله و بترد عليك بعدها
المهم أنا سألتها أنا مكاني فين في الجنه ؟! قالتلي مكانك في الدرجه الثالثه ((( , فانا اتفزعت و سألتها طب ازاي أوصل للفردوس الأعلى؟! ماردتش عليا و بعدين فجأه دخلت عليا وحده ست لابسه هدوم مش لطيفه و شايله سبت كله غسيل, فساعتها في الحلم وقع في نفسي انه ده الشيطان جايلي في صورة ست... فقعدت أقوللها انتى الشيطان, انتى الشيطان و هي مطنشاني و بعدين آخر ما زهقت بصتلي بثقه كده و قالتلي أيوا أنا هو!!!!!!!!
و قالتلي كمان : ماتفتكريش انك غلبتيني أنا ماسك عليكي ذنوب ماحدش يعرفها و هافضحك في وسط أهلك بيها
فانا بثقه برده قولتلها: أنا ربنا معايا و بعدين رحت ماسكاها و قعدت أهز فيها كده و قلتلها :و بعدين أنا غلبتك قبل كده .... غلبتك قبل كده , و فضلت أعمل كده لحد مانهارت و قعدت تعيط واختفت!!!!!
--------------------------------------------------------------------------
أنا ياجماعه متأثره أوي بالحلم بس مقدرش أنكر انه أنا زعلانه اني في الدرجه التالته بس , أنا نفسي في الفردوس و مش عارفه ايه السبل اللي أقدر أوصل ليها بيها ف ياريت ياريييييت تساعدوني من كل قلبكوا و تقولولي لو كنتوا مكاني كنتوا تعملوا ايه علشان توصللها؟!! و طبعا عايزه أسمع تعليقلتكم على الحلم
ياجماعه لو سمحتوا على قد ما تقدروا ردوا عليا , منه تاخدو ثوابي و منه كل واحد يفكر و يطور نفسه و يزود حسناته .... فأرجوكم ماتترددوش و ردوا عليا , الموضوع هياخد دقايق بس و مين فينا عارف ايه ممكن يكون الثواب اللي هيجنيه!!!!

و السلام عليكم!

منقووووووووووووووووووووووول